“Suv xo‘jaligida bozor mexanizmlarini joriy qilish” davlat muassasasi mutaxassislari hamda mutasaddi tashkilot xodimlari tomonidan Sirdaryo viloyati Sirdaryo tumani SIU hududidan oqib o‘tuvchi Sirdaryo daryosi o‘zanidagi uchastkalarda ishlab chiqilishi rejalashtirilayotgan Atrof-muhitga ta’siri to‘g‘risidagi ariza loyihasi bo‘yicha jamoatchilik eshituvi o‘tkazildi.

Mazkur jamoatchilik eshituvi loyihaning ekologik jihatlarini oshkora muhokama qilish, atrof-muhitga bo‘lishi mumkin bo‘lgan ta’sirlarni baholash, shuningdek, mahalliy aholining fikr-mulohazalari hamda takliflarini inobatga olish maqsadida o‘tkazildi. Tadbir davomida loyiha doirasida amalga oshirilishi rejalashtirilayotgan ishlar, ularning suv resurslari, biologik xilma-xillik hamda hudud ekologik holatiga bo‘ladigan ehtimoliy ta’siri to‘g‘risida batafsil ma’lumotlar taqdim etildi. 

 O‘tkazilgan jamoatchilik eshituvida mahalla faollari tomonidan daryolar o‘zanlarini tozalash bo‘yicha ishlab chiqilishi rejalashtirilgan loyiha bir ovozdan ma’qullandi.